Veiðistaðavefurinn
Snjóölduvatn er í Veiðivötnum sem óhætt er að segja að séu ein rómuðustu, gjöfulustu, og frægustu veiðivötn landsins.
Veiðivötn eru vatnaklasi í Landmannaafrétti sem samanstendur af allt að 50 vötnum, sem mörg hver eru sprengigígar. Um er að ræða bæði lítil sem stór vötn sem eru í um 570 ~ 590 metrum yfir sjávarmáli.
Flestir telja veiðivatnasvæðið eitt það fallegasta á landinu.
Snjóölduvatn
Snjóölduvatn er þriðja stærsta vatnið á Veiðivatnasvæðinu, um 1.62 km2 að flatarmáli, og liggur í 562 metrum yfir sjávarmáli. Vatnið er dýpst um 22 metrar sunnan megin við Mosanef, en annars er það með meðaldýpi uppá 7.8 metra. Snjóölduvatn er eitt syðsta vatnið í klasanum.
Í vatninu er bæði urriði og bleikja og veiðist nokkuð mikið í vatninu ár hvert, litlir og stórir fiskar. Það er því um að gera að koma við í þesus fallega vatni því veiðistaðirnir eru margir og fjölbreytileikinn mikill.
Veiðistaðir eru nokkrir, en það er um að gera að reyna aðra staði en þá sem merktir eru á korti einnig.
Snjóölduvatn
Upphafsmynd: Snjóölduvatn – Ljósm.: Friðrik Hansen Guðmundsson
