Veiðistaðavefurinn
Steinsmýrarvötn eru stutt frá Kirkjubæjarklaustri, um 300 km. frá Reykjavík við bæinn Syðri-Steinsmýri.
Þetta er skemmtilegt fjögra stanga veiðisvæði, en þau samanstanda af 2 vötnum og svo lækjum sem renna úr vötnunum, í þau og á milli og eru þessir staðir oft mjög gjöfulir. Steinsmýrarvötn eru staðsett fyrir neðan bæinn Syðri-Steinsmýri og eru í göngufæri frá veiðihúsinu.
Í Steinsmýravötnum er staðbundin bleikja og urriði ásamt sjóbirtingi og sjóbleikju. Vorveiðin á svæðinu er alveg frábær og hafa vorhollin verið að fá alveg upp í 80 fiska hvert. Yfir sumarið eða í júní og júlí veiðist vel af bleikju og er hún gríðarvæn í vötnunum en meðalþyngdin á henni hefur verið rúm 3 pund.
Í ágúst byrjar svo sjóbirtingurinn að ganga og er hann að ganga alveg langt fram að áramótum og tímabilið frá ágúst og út veiðitímann því yfirleitt mjög gott.
Seldar eru 4 stangir saman á dag í Steinsmýrarvötn og eru þær alltaf seldar saman.
Heimilt er að veiða á bæði flugu og spón út tímabilið sem nær frá 1. apríl til 10. október ár hvert, en veiði með maðk er með öllu bönnuð.
Eining ber að hafa í huga að kvóti er í vorveiðinni, 2 fiskar á stöng á dag, en þar á eftir má veiða og sleppa.
Umsögn Veiðistaðavefsins
Verð veiðileyfa
Aðkoma að veiðistöðum
Umhverfi
Almenn ánægja
Ágætt
Umsögn : Hér gefur að líta stjörnugjöf Veiðistaðavefsins. Þessi stigagjöf hefur EKKI áhrif á heildarstigagjöf notenda sem gefur að líta fyrir aftan nafn veiðisvæðis. Þetta mat er sjálfstætt og er eingöngu mat aðstandenda Veiðistaðavefsins.
Steinsmýrarvötn – vinsælar flugur:
-
- Ýmsir Dýrbítar
-
- Skærlitaðir nobblerar
