Veiðistaðavefurinn
Vegna hitastigs í ánni sem er að öllu jöfnu um 10-12 gráður, eru skilyrðin einstaklega góð fyrir sjóbirtingsstofn árinnar, en hann er með þeim stærstu á landinu.
Einnig veiðist mikið af staðbundnum urriða og sjóbleikju á hverju ári.
Veitt er á 5 stangir í Litluá út tímabilið sem nær frá 1. apríl til 10. október.
Eingöngu er leyfð veiði á flugu og öllum fiski skal sleppt aftur.
Nokkuð góð aðkoma er að flestum stöðum í Litluá, en þó er betra að vera á jeppa á vissum stöðum.
Ýmsir kostir eru til gistinga í nágrenninu, þar á meðal er gistihúsið Keldunesi en þar er allt til alls fyrir alt að 12 manns.
Þarna má finna heitan pott, 6 tveggja manna herbergi með uppábúnum rúmum. Notaleg borðstofa og sjónvarpsstofa ásamt mjög góðri eldunaraðstöðu.
Upphafsmynd fengin af vef leigutaka Litluár
Litlaá – veðrið á svæðinu
