Veiðistaðavefurinn
Affallið er lítil og tær bergvatnsá sem er staðsett rétt austan Hvolsvallar, í um 120 km fjarlægð frá Reykjavík, og rennur milli austur og vestur Landeyja.
Vegna tengsla við Markarfljót var Affallið áður fyrr mjög jökullitað, en eftir fyrirhleðslur uppi á Markarfljótsaurum hefur það breyst mikið til batnaðar og er orðin tær bergvatnsá.
Lax er ræktaður í Affallinu og veiðast þar árlega um 700 laxar sem margir hverjir teljast stórlaxar, eða frá 85 til 95 cm langir.
Þetta mun teljast góð veiði þar sem einungis er veitt á 4 stangir í Affallinu á dag.
Stangirnar fjórar skipta á milli sín rúmlega 20 km veiðisvæði og um 77 merktum veiðistöðum, alveg frá ósi og upp að þjóðveg.
Einna frægastir eru Kanastaðahylur #60, en það er efri sleppitjörn, og #10 sem er neðri sleppitjörnin. Einnig eru hylir eins og #21 sem geta gefið gríðarvæna laxa.
Einnig hefur sjóbirtingur alltaf gengið í ána. Bleikja finnst þar einnig í litlum mæli.
Leyfilegt agn í Affallið er fluga og maðkur út tímabilið sem nær frá 1. júlí til 27. október.
Aðstaðan saman stendur af 4 rúmgóðum svefnherbergjum fyrir 8 manns, rúmgóðri stofu og eldhúsi, salerni og sturtu. Gasgrill er til staðar og einnig frystikista undir afla.
Umsögn Veiðistaðavefsins
Verð veiðileyfa
Aðkoma að veiðistöðum
Umhverfi
Möguleiki á afla
Frábært
Umsögn : Umsögn : Hér gefur að líta stjörnugjöf Veiðistaðavefsins. Þessi stigagjöf hefur EKKI áhrif á heildarstigagjöf notenda sem gefur að líta fyrir aftan nafn veiðisvæðis. Þetta mat er sjálfstætt og er eingöngu mat aðstandenda Veiðistaðavefsins.
Affallið – Vinsælar flugur:
-
- Black Frances
-
- Snældur
-
- Red Frances
-
- Sunray Shadow
