Móra

Lítil og viðkvæm laxveiðiá á vestfjörðum
Móra

Lítil og viðkvæm laxveiðiá á vestfjörðum
Móra

Lítil og viðkvæm laxveiðiá á vestfjörðum
Móra

Lítil og viðkvæm laxveiðiá á vestfjörðum
Móra

Lítil og viðkvæm laxveiðiá á vestfjörðum

Móra á Barðaströnd

Móra er lax-og silungsveiðiá sem fellur um Mórudal á Barðaströnd á sunnaverðum Vestfjörðum í um 350 km fjarlægð frá Reykjavík. Móra er ekki langt frá Brjánslæk, og Vatnsfirði. Einungis eru um 40 km frá Patreksfirði að Móru.
Upptök Móru, sem er dragá, eru í Hosuhlíðarvatni, og rennur hún eins og fyrr sagði um Mórudal og fellur í Hagavaðal til sjávar.

Móra fellur um ákaflega fallegt kjarri- og lyngi vaxið umhverfi, og er þetta svæði ákaflega vinsælt og göfult berjaland þegar kemur fram í ágúst ár hvert. Talað er um að Mórudalur sé með fegurstu dölum norðan Breiðafjarðar og sé það einungis Vatnsdalur sem komist þar í návígi þegar að fegur kemur.

Veiðisvæði Móru er um 6 km langt, sem skiptist í efra- og neðra svæði, með gríðarlega fjölbreyttum og skemmtilegum veiðistöðum, þar af um 20 merktir veiðistaðir, þar sem skiptast á strengir og djúpir hyljir. áin hentar einkar vel fyrir veiði með maðk, en einnig eru þarna góðir fluguveiðistaðir.

Fer vatnsmagn Móru eftir veðurfari, og er það ákaflega sveiflukennt, allt frá því að vera mjög vatnsmikil í rigningum, í að vera ákaflega vatnslítil í þurrkatíðum, og ber þess að geta að þegar áin er vatnslítil getur hún orði ákaflega viðkvæm og því um að gera að fara varlega þegar komið er að veiðistöðum svo fiskurinn verði ekki var um sig undir eins.

Laxaseiði voru sett í ánna eftir að sjóbirtingurinn, sem áin er nokkuð fræg fyrir, hvarf, og hefur hún síðan verið allgóð laxveiðiá. Til að mynda þá veiddust í ánni um 102 fiskar árið 2015, en hún er einungis veidd með 2 dagsstöngum, og voru veitt í 28 daga það árið. Þetta má teljast alveg fín veiði.
Meðalveiði undanfarinna 10~15 ára er um 130 ~140 laxar.

Veitt er með 2 stöngum í Móru út tímabilið sem nær frá 20. júní til 20. september ár hvert, og er leyfilegt að veiða með flugu og maðk allt tímabilið.
Stangirnar 2 seljast alltaf saman.

Athuga ber að ekkert veiðiphús fylgir seldum veiðileyfum. En eitthvað er um gistimöguleika þó í nágrenninu, s.s. á Krossholtum sem eru í sama landi, Rauðsdal og eins í Flókalundi sem er í um 15 mínútna fjarðlægð.

Nokkuð gott aðgengi að veiðistöðum er á neðra svæðinu og hægt að notast við fólksbíla, en á efri svæðum þarf að notast við að lágmarki jepplinga, og ekki er ökufært að efsta veiðistað og þarf að notast við 2 jafnfljóta til að komast þangað.

Myndir fengnar af vef Móru á Barðaströnd