Staðará í Staðarsveit

Staðará í Staðarsveit er á Snæfellsnesi í um 200km fjarlægð frá Reykjavík, og í um 85 km fjarlægð frá Borgarnesi.

Áin á upptök sín í Hagavatni og fellur til sjávar í Vatnsflóa. Í Hagavatni er ágæt veiði, bæði sjóbleikja, sjóbirtingur, og stöku lax og getur stærð fiska í vatninu orðið nokkuð góð.

Það er hinsvegar nokkuð mikill gróður í vatninu og hentar það kannski ekki mjög vel fyrir stangaveiði.

Staðará hefur verið þekkt sem ein af allra bestu sjóbirtingsám landsins og getur veiði þar á orðið ansi mögnuð ár hvert.

Mest er um sjóbirting í ánni, en þar er einnig nokkur bleikja, og laxavon er alltaf einhver.

Veitt er á 3 dagsstangir út tímabilið í Staðará sem nær frá 20. júní til 20. september ár hvert.

Leyfilegt er að veiða á flugu og kvótinn einn fiskur á stöng á dag. Sleppa  þarf öllum fiski eftir það.

Vinsælar flugur:

Staðará – Skemmtilegar myndir frá ánni:

Fleiri veiðistaðir:

Andakílsá í Borgarfirði Brunná í Öxarfirði Veiðitjörn – Arnavatnsheiði Meðalfellsvatn í Kjós