Fögruhlíðarós

Fögruhlíðarós er austast í Jökulsárhlíð og tilheyrir Ketilstöðum í um 660 km fjarlægð frá Reykjavík, og í um 60 km fjarlægð frá Egilsstöðum.

Fögruhlíðarós er ákaflega skemmtilegt sjóbleikjusvæði og myndast alltaf sérstök stemming að veiða sjóbleikju á fallaskiptum að nóttu til.
Hér veiðist eitthvað af sjóbirtingi, og einnig hefur lax látið á sér kræla undanfarið.

Kjörið fyrir smærri hópa sem vilja góða sjóbleikjuveiði og eiga von á urriða, sjóbirtingi og laxi í og með. Töluverð urriðaveiði getur einnig verið ofar í Fögruhlíðará og upp að Réttarhyl. Veiðitími er frá 1. júní og til 30. september.

Svæðið nær frá ós og upp að brúnni við þjóðveginn, auk Jökluóss. Efra svæði Jöklu III fylgir með seldum veiðileyfum.

Veiðitímabilið í Fögruhlíðarós nær frá 1. júní og nær til 30. september og eru leyfðar 3 stangir allt tímabilið.
Leyfilegt er að veiða á flugu, maðk og spón og ekki er sleppiskilda á neinum silung þó veiðimenn séu hvattir til að sleppa stærri bleikjum.
12 tíma sveigjanlegur veiðitími er á þessum stað.

Ef lax slæðist á agn veiðimanna er kvóti 2 laxar á stöng á dag, og skylt er að sleppa öllum 70 cm eða stærri.

Veiði síðastliðið ár var 2 laxar, 184 sjóbleikjur og 84 urriðar og sjóbirtingar.

Vinasælar flugur í Fögruhlíðarós

Fleiri veiðistaðir:

Jökla III Skjálfandafljót – laxasvæði Baugstaðarós við Stokkseyri Jökla II laxveiðiá á Austurlandi